Қонаев қаласында Ұлттық домбыра күніне арналған мерекелік кеш өтті

Қонаев қаласындағы Б. Соқпақбаев атындағы орталық саябақтың амфитеатрында Ұлттық домбыра күніне арналған мерекелік кеш өтті.

Мерекелік шараға Алматы облысының әкімі Сұлтанғазиев Марат Елеусізұлы арнайы қатысып, халқымыздың рухани мұрасы – қасиетті домбыраның ұлт мәдениетіндегі айрықша орнына тоқталды.

Кеште Қазақстанның Халық әртісі Секен Тұрысбек, Қазақстанның Еңбек сіңірген қайраткері Гүлмира Сарина, «Алатау серілері» тобы, «Ақ жауын» камералық оркестрі және Сүйінбай атындағы Алматы облыстық филармониясының өнерпаздары өнер көрсетіп, көрермендерге ерекше рухани әсер сыйлады.

Ұлттық болмысымыздың айғағы – Ұлттық домбыра күні құтты болсын!