Алматы облысының тұрғындары балкондарына Ту ілді
Қонаев қаласында 20-ға жуық белсенді «Менің елім – менің Туым» акциясын өткізді.
Шараны «AMANAT» партиясы жанындағы «Жастар рухы» жастар қанатының Алматы облыстық филиалы ұйымдастырды. Акция барысында көпқабатты үйлердің балкондарына 15 мемлекеттік Ту ілінді.
«Бұл акция патриоттық рухты арттыруға және мемлекеттік рәміздерге деген құрметті насихаттауға бағытталған. Республика күні қарсаңында мемлекеттік Туды ілу дәстүрі азаматтардың елге деген сүйіспеншілігін айқын көрсетеді», – деді «Жастар рухы» жастар қанатының Алматы облыстық филиалының төрағасы Медет Бекбергенов.
Айта кетейік, акцияға 20-ға жуық белсенді жас қатысып, тұрғындарға патриоттық бастаманы қолдауға шақырды. Бұл акцияны кез келген тұрғын мен қала қонағы жалғастыра алады. Олар Туды балкондарына, үйлеріне ілуге ерікті түрде қатыса алады.
