Алатау қаласының Отбасын қолдау орталығы 8 Наурыз мерекесіне орай “Жаңару” іс-шарасын ұйымдастырды
2025 жылғы 4 наурызда Алатау қаласының Отбасын қолдау орталығы Халықаралық әйелдер күніне арналған “Жаңару” атты ерекше іс-шара өткізді. Жобаның негізгі мақсаты – әйелдердің табиғи сұлулығын айқындап, өз-өзіне деген сенімін арттыру.
Іс-шара барысында қатысушыларға жаңа бейне сыйланып, олардың өзін-өзі қабылдауына оң әсер ететін ерекше тәжірибе жасалды. Бұл игі бастамаға “Гүлзира” сұлулық студиясының шеберлері Гүлзира ханым мен Ажар ханым атсалысты. Гүлзира ханым кәсіби макияж бен шаш үлгісін жасап, қатысушылардың сыртқы келбетін жаңартса, Ажар ханым тырнақ әрлеу қызметін көрсетті.
Бұл бастама тек сыртқы сұлулықты ғана емес, әйелдердің ішкі үйлесімі мен сенімін нығайтуды көздейді. Отбасын қолдау орталығының мамандары әрбір әйел өзін жақсы көргенде, сүйікті болғанда және ертеңгі күнге сеніммен қарағанда нағыз сұлулыққа ие болатынын атап өтті.
Сонымен қатар, Отбасын қолдау орталығы барша әйелдерді Халықаралық әйелдер күнімен құттықтап, олардың қоғамдағы рөлін жоғары бағалайтынын жеткізді. “Жаңару” жобасы алдағы уақытта да жалғасын тауып, әйелдердің өміріне жарқын өзгерістер енгізуді мақсат етеді.
