Байғалық Ернат Елубайұлы облыс әкімі аппараты басшысының орынбасары болып тағайындалды

Байғалық Ернат Елубайұлы 1983 жылы дүниеге келген. Білімі жоғары. Әл-Фараби атындағы Қазақ ұлттық университетінде «экономика және менеджмент» (2004 жыл), «құқық және экономика негіздері» (2006 жыл) мамандықтары бойынша білім алған. Сонымен қатар, Тұран университетін «құқықтану» мамандығы бойынша тәмамдаған.

Еңбек жолын 2005 жылы Алматы қаласы Алмалы ауданы бойынша Салық комитетінің салық инспекторы ретінде бастаған. Кейіннен Алмалы ауданының Салық басқармасында бөлім басшысы қызметін атқарды. Сондай-ақ, әр жылдары Алматы облысында қаржылық бақылау инспекциясының бас маманы, бас бақылаушы- тексерушісі, Ішкі мемлекеттік аудит департаментінің бөлім басшысы, басшының орынбасары, тексеру комиссиясының мүшесі ретінде жұмыс істеді.

2023 жылдың қарашасынан  облыс әкімі аппаратында ішкі аудит қызметінің басшысы лауазымында қызмет атқарды.