Салық есептілігін ұсыну бойынша
2026 жылдан бастап салық есептілігі мәселелері бойынша жаңалықтардың бірі бюрократиялық процестерді оңтайландыру болып табылады. Яғни, егер салық төлеуші салық есептілігін ұсынбаса, онда жүйе оны ұсынудың белгіленген мерзімі өткеннен кейін салық төлеуге есептелетін нөлге тең сомамен есептілікті автоматты түрде қалыптастырады.
Осы норманы енгізу салық есептілігін ұсынбағаны үшін хабарламаларды, банк шоттары бойынша шығыс операцияларын тоқтата тұру туралы өкімдерді ұсынбауға, әкімшілік жауаптылыққа тартуға, яғни бизнес үшін жазалау шараларын азайтуға мүмкіндік береді.
Бұл ретте, осы есептілікті автоматты түрде қалыптастыру салық төлеушінің жеке кабинетіндегі деректерінде ұсынылуға жататын салық есептілігінің нысандары алдын ала көрсетілген жағдайда ғана жүзеге асырылатын болады.
Егер құжаттамадағы нысандар анықталмаса-жүйе салық төлеуші үшін есептілікті қалыптастыра алмайды.
Осыған байланысты салық төлеушілерді салық есептілігін дұрыс автоматты түрде қалыптастыру үшін дерекнамадағы мәліметтерді мерзімінен бұрын Есалық бизнес мобилді қосымшасында, салық төлеушінің жеке кабинетінде және екінші деңгейлі банк қосымшаларында хабарландыру арқылы өзектендіру қажет.
