ІЛЕ АУДАНЫНДА ҚҰРЫЛЫС НЫСАНДАРЫНА МОНИТОРИНГ ЖҮРГІЗІЛДІ

Бүгін Іле аудандық партия белсенділері құрылыс нысандарының жұмыс барысын зерделеу мақсатында мониторингтік рейд ұйымдастырды.

Рейд барысында Боралдай кентіндегі 280 орындық мәдениет үйінің құрылысы тексерілді. Зерделеу нәтижесінде құрылыс жұмыстарының 90%-ға аяқталғаны анықталды. Алайда бірқатар мәселе бар екені белгілі болды. Атап айтқанда, жылу және су құбыры желілері әлі қосылмаған, сыртқы абаттандыру жұмыстары толық аяқталмаған.

Сонымен қатар, тексеру кезінде нысанда жұмысшылардың болмағаны байқалды. Құрылыс жұмыстарының қаржыландыруға байланысты тоқтап тұрғаны айтылды.

Мониторинг барысында анықталған кемшіліктер құрылыс компаниясының өкіліне жеткізіліп, оларды жою және құрылыс жұмыстарын одан әрі жалғастыру мәселелері көтерілді.

Нысандардың сапалы әрі уақытылы  аяқталуы басты назарда