Қазақстан халықтарының бірлігі күні мерекесімен құттықтаймын

Құрметті Ұйғыр ауданының тұрғындары мен қонақтары!

Сіздерді 1 мамыр – Қазақстан халықтарының бірлігі күні мерекесімен құттықтаймын!

Бұл күн – татулық пен келісімнің, бірлік пен берекенің символына айналған айтулы мереке. Бейбітшілікті ту еткен елімізде сан ұлттың өкілі бір шаңырақ астында тату-тәтті өмір сүріп келеді. Әр этнос өз мәдениеті мен дәстүрін сақтай отырып, ортақ мақсатқа – Қазақстанның өркендеуіне өз үлесін қосуда.

Ұйғыр ауданы да көпэтносты өңір ретінде ұлтаралық ынтымақ пен рухани сабақтастықтың жарқын үлгісін көрсетіп келеді. Бірлік бар жерде – береке бар. Осы татулықты көздің қарашығындай сақтап, ынтымағымызды арттыра берейік!

Баршаңызға мықты денсаулық, отбасыларыңызға амандық, ел игілігі жолындағы еңбектеріңізге табыс тілеймін! Еліміз аман, бірлігіміз баянды болсын!

Ізгі тілекпен,
Аудандық мәдениет, тілдерді дамыту және спорт бөлімінің басшысы
Құндыз Сабырбайқызы