«Қайнар» БПҰ төрағасы Ерлік Тілеубай Қарттар күнімен құттықтады
Қарттар – ел шежіресі, өнегелі өмірдің үлгісі. Осы орайда, 1 қазан – Халықаралық қарттар күніне орай, «AMANAT» партиясы Талғар аудандық филиалы жанындағы «Қайнар» бастауыш партия ұйымының төрағасы Ерлік Тілеубай Қонаев қаласындағы қарттар үйіне арнайы барып, ардақты қарияларды мерекемен құттықтады.
Шара барысында қарттарға мерекелік көңіл күй сыйлап, тарту-таралғылар табыс етілді. Ерлік Тілеубай ардагерлерге мықты денсаулық, ұзақ ғұмыр тілей отырып, олардың ел дамуына қосқан үлесін ерекше атап өтті.
Бұл игі іс — жастарға үлгі, ұрпақтар сабақтастығын нығайтатын маңызды қадамдардың бірі. «Қайнар» БПҰ алдағы уақытта да әлеуметтік қолдау шараларын жалғастыруды жоспарлап отыр.
