Республика күні – тарихи мереке!

Құрметті жерлестер!

Сіздерді ұлы мереке — Республика күнімен шын жүректен құттықтаймын!

Бұл күн — халқымыздың мемлекеттілігін нығайтып, Тәуелсіз Қазақстанның жаңа дәуірге қадам басқанын айқындайтын тарихи мереке. Республика күні — ел бірлігі мен ынтымағының, азаттығымыз бен ар-ожданымыздың символы.

Бүгінде еліміздің дамуы мен өркендеуіне әрбір азаматтың қосқан үлесі зор. Қазақстанның жарқын болашағы — елінің тыныштығы мен тұрақтылығын сақтап, еңбек етіп жүрген сіздер секілді отандастарымыздың қолында.

Баршаңызға зор денсаулық, отбасы амандығын, еңбектеріңізге табыс, Отанымыздың игілігі жолындағы істеріңізге сәттілік тілеймін!
Еліміз аман, жұртымыз тыныш, тәуелсіздігіміз мәңгі болсын!

Мейрамкуль  Жабиева,
Қоғамдық келісім және даму орталығының
Іле ауданы бойынша бөлім басшысы