Алматы облысында 7200 орынды 9 «Келешек мектебінің» құрылыс жұмысы аяқталуға жақын
Алматы облысында 2026 жылы наурыз айының соңына дейін 7200 орынды 9 «Келешек мектебінің» құрылыс жұмысы аяқталады деп жоспарланған. Оның ішінде 5 мектеп үш ауысымды оқытуды жою үшін, (Алатау қаласы Қоянқұс ауылы, Іле ауданы Тілендиев ауылы, Қарасай ауданы Бұлақты ауылы, Талғар ауданы Тұздыбастау, Жалқамыс ауылдарындағы мектептер) және 4 мектеп (Еңбекшіқазақ ауданы Сатай, Ащысай ауылдары, Талғар ауданы Қызылту, Көктал ауылдарындағы мектептер) оқушы орнының жетіспеу мәселесін шешу үшін салынуда.
Осылайша, үш ауысымда оқитын мектептер саны 28-ден 23-ке дейін қысқарады.
Облыстағы 13 мектептің күрделі жөндеу жұмысын жүргізу үшін жергілікті бюджеттен 10,9 млрд теңге бөлінді.
Оған Еңбекшіқазақ ауданындағы 3 (Масақ, Нұрлы, Ы.Алтынсарин атындағы мектептер), Жамбыл ауданындағы 1 (Т.Рысқұлов атындағы мектеп), Қарасай ауданындағы 2 (М.Әуезов атындағы орта мектеп, И.Нүсіпбаев атындағы мектеп-интернаты), Кеген ауданындағы 1 (Қарқара мектебі), Талғар ауданындағы 4 (№10, №12, №24, №2 орта мектептері), Ұйғыр ауданындағы 1 (№1 мектеп спортзалы) және Қонаев қаласындағы 1 мектеп (А.Жұбанов атындағы №5 орта мектеп) кіреді.
Қазіргі уақытта 2 мектеп қолданысқа берілді (Еңбекшіқазақ ауданы Масақ орта мектебі, Талғар ауданы Белбұлақ ауылындағы №10 мектеп). Қалған 11 мектептегі күрделі жөндеу жұмысы 2026 жылдың маусым-шілде айларында аяқталады.
