Ауданымызда алғаш рет пластик жәшік шығаратын цех ашылды

Ауданымызда алғаш рет пластик жәшік өндіретін өндірістік цех іске қосылды. Қайта өңделген пластиктен сапалы жәшік құйып шығаратын бұл кәсіпорын жылына 600 мың дана өнім өндіруге қауқарлы. Жобаны жүзеге асыруға 50 миллион теңге қаражат жұмсалып, нәтижесінде 10 жаңа жұмыс орны ашылды.  

Заманауи технологиялармен жабдықталған цехтың өнімдері беріктігімен және экологиялық тазалығымен ерекшеленеді. Барлық тасымалдау және сақтау талаптары қатаң сақталған. Қазіргі өндірістік қуатының арқасында кәсіпорын ауданның жәшікке деген сұранысының 50%-ын қамтамасыз ете алады.  

Алдағы уақытта өндіріс ауқымын кеңейту жоспарда бар. Цехқа қосымша бір аппарат орнатылып, өнім көлемін жылына 1,2 миллион данаға дейін ұлғайтып ауданды толығымен жәшікпен қамтамасыз ету көзделуде. Бұл жоба аймақтың өнеркәсіптік әлеуетін арттырып, жергілікті тұрғындарды жұмыспен қамтуға және пластик қалдықтарын тиімді пайдалануға ықпал етпек.

Алматы облысы әкімінің баспасөз қызметі.