Алатау қаласында отбасыларға қолдау көрсету шаралары жалғасуда
Алатау қаласының Отбасын қолдау орталығы тұрғындардың әлеуметтік әл-ауқатын арттыруға бағытталған жүйелі жұмыстар жүргізіп келеді. Атап айтқанда, орталық мобилдік топтармен бірлесіп, қиын жағдайға тап болған азаматтарды қолдау шараларын жүзеге асыруда.
Мұндай шаралардың басты мақсаты – тұрмыстық қиындықтарға кезіккен отбасыларға уақытылы көмек көрсету, олардың құқықтық, психологиялық және әлеуметтік мәселелерін шешуге қолдау білдіру. Сонымен қатар, тұрғындардың өмір сапасын жақсартуға, қоғамдағы әлсіз топтардың мүддесін қорғауға ықпал ету болып табылады.
Қаладағы мобильдік топтар әлеуметтік сала мамандарынан құралған. Олар отбасыларды аралап, қажетті ақпарат беріп, тиісті мемлекеттік органдарға жолдама жасау арқылы жәрдемдеседі.
Отбасын қолдау орталығы алдағы уақытта да осындай игі бастамаларды жалғастырып, қала тұрғындарының сеніміне ие болуды көздеп отыр.
Алатау қаласы әкімнің баспасөз қызметі.
