ЕҢБЕК ҰЖЫМЫН ОҢ ӨЗГЕРІСТЕРГЕ ҮЛЕС ҚОСУҒА ҮНДЕДІ

Бүгін «AMANAT» партиясы жанындағы халықтық штабтың мүшелері, Нұрлан Түймелиев, Айдын Иманбеков, Гамзе Гейдаров Қазақтелеком мекемесі ұжымымен кездесу өткізіп, жалпыхалықтық референдум бойынша ақпараттық-насихат жұмыстарын жүргізді.
Жиында аудандық мәслихат депутаты еңбек ұжымын ел Президентінің жанына топтасып, Жаңа Қазақстан, Екінші Республика құру идеясын қолдауға және референдумға белсенді қатысуға шақырды.
«Референдум әрбір азаматтың билікке араласуын, биліктің халыққа қызмет етуін, екеуінің арасында алшақтық болмауын негізге алып отыр. Бұл – Үкімет әділ, шынайы әрі ашық болсын деген қағидадан туындаған шешім. Жалпы, елдің өркендеуіне әрқайсымыз үлес қосуымыз керек. Сондықтан алдағы күндері өтетін науқанға біркісідей қатысқандарыңыз абзал.» деді халықтық штаб мүшесі А.Иманбеков.
Еңбек ұжымымен бас қосуға облыстық штабтың мүшесі Нұрлан Түймелиев қатысып, ел болашағына оң өзгерістер әкелетін бастамаға белсенді қатысуға үндеді.
Кездесу соңында жиналғандар штаб мүшелеріне өз ықылыстарын білдіріп, жалпыұлттық референдум өткізу бастамасын қолдайтындарын және Жаңа Қазақстан құру жолында мемлекетке үлкен сенім артатындарын жеткізді.#АЭСүшін
#АЭСтаңдаймыз
#ЗаАЭС
#ВыборЗаАЭС
#АЭСРеферендум
#Референдум2024