ІЛЕ АУДАНЫНДА «ӘДІЛЕТТІ ЖӘНЕ ПРОГРЕССИВТІ ҚАЗАҚСТАННЫҢ ХАЛЫҚТЫҚ КОНСТИТУЦИЯСЫ ҮШІН» КОАЛИЦИЯСЫ МҮШЕЛЕРІ МЕДИЦИНА ҚЫЗМЕТКЕРЛЕРІМЕН АТА ЗАҢЫМЫЗДЫҢ ЖАҢА ЖОБАСЫ ТҮСІНДІРІЛДІ
Денсаулық сақтау саласының қызметкерлеріне жаңа Конституция жобасының негізгі бағыттары мен енгізілетін өзгерістерін түсіндіру мақсатында арнайы кездесу өтті. Іс-шара барысында «AMANAT» партиясы Іле аудандық филиалының атқарушы хатшысы Алмасбек Сатибаев, Алматы облыстық мәслихат депутаты Нұрсұлтан Орынбасаров, «Ащыбұлақ» БПҰ – ның төрағасы Гамзе Гейдаров жаңа жобадағы өзекті мәселелерге кеңінен тоқталды.
Кездесу барысында Конституция жобасының басты мақсаты – халықтың құқықтары мен бостандықтарын кеңейту, әлеуметтік әділеттілікті нығайту және мемлекеттік басқару жүйесін жетілдіру екені айтылды. Әсіресе денсаулық сақтау саласына қатысты нормаларға ерекше назар аударылып, азаматтардың сапалы медициналық көмек алуға деген құқығын заңнамалық тұрғыда күшейту көзделіп отырғаны атап өтілді.
Алмасбек Сатибаев өз сөзінде жаңа өзгерістер қоғамның барлық саласына оң әсер ететінін, ал медицина қызметкерлері үшін еңбек жағдайын жақсартуға, әлеуметтік кепілдіктерді арттыруға мүмкіндік беретінін жеткізді. Ал Нұрсұлтан Орынбасар Конституциялық реформалардың ел болашағы үшін маңызды екенін айтып, әрбір азаматтың бұл үдерістен хабардар болуы қажет екенін тілге тиек етті.
Ашық форматта өткен басқосу қатысушылар тарапынан қолдау тауып, мазмұнды әрі пайдалы кездесу ретінде бағаланды.
Өңірлік коалицияның баспасөз қызметі.
