«AMANAT» ПАРТИЯСЫ ІЛЕ АУДАНДЫҚ ФИЛИАЛЫНДА АУДАН ӘКІМІ АЗАМАТТАРДЫ ЖЕКЕ МӘСЕЛЕЛЕРІМЕН ҚАБЫЛДАДЫ
Бүгін «AMANAT» партиясы Іле аудандық филиалының мәжіліс залында Іле ауданы әкімі Жақсымбетов Қайыржан Серікбайұлы тұрғындарға қоғамдық қабылдау өткізді. Қабылдауға аудан әкімінің орынбасарлары, мекеме, бөлім басшылары қатысты. Қабылдауға барлығы 30 жуық тұрғындар келіп, өз өтініштерін білдірді.
Өтеген батыр, Байсерке, Ащыбұлақ, А.Тоқпанов, Қараой, Ақсай ауылдарынан қабылдауға келушілер негізінен – әлеуметтік осал топ ретінде тұрғын үй алу, материалдық көмек алу, әлеуметтік сала, инфрақұрылым мәселелері туралы сұрақтармен келді. Аудан әкімі азаматтардың әрқайсын мұқият тыңдап, мәселенің заңдылығын жан-жақты түсіндірді, тиісті сала басшылары да нақты тапсырмалар беріп, уақытылы орындауды тапсырып отырды. Кейбір өтініш-арыздар бірден шешімін тапса, енді бірқатары жан-жақты зерделеніп қарастырылатын болды.
