Ата Заң – ел бірлігі мен тұрақтылығының берік кепілі!

Ақсақалдар кеңесінің төрағасы ретінде айтарым, ұсынылып отырған Қазақстан Республикасының Конституциясы – елдігімізді бекемдейтін, бірлігімізді нығайтатын, болашаққа сенімді бағыт беретін маңызды құжат. Бұл Ата Заңда мемлекеттің унитарлы сипаты, аумақтық тұтастығы мен Тәуелсіздігінің өзгермейтіні нақты бекітілген. Ең бастысы – адам мен оның өмірі, құқықтары мен бостандықтары ең жоғары құндылық ретінде айқындалған.
Құжатта Әділетті Қазақстан идеясы, заң мен тәртіп үстемдігі, этносаралық және конфессияаралық татулық, тарихи-мәдени мұраны сақтау, табиғатты аялау сияқты ұлттық болмысымызға сай құндылықтар көрініс тапқан. Бұл – ата-бабамыз аманаттаған жер мен елге деген жауапкершіліктің жалғасы.
Біз, аға буын өкілдері, ел бірлігі мен тұрақтылығын бәрінен жоғары қоямыз. Сондықтан әр азамат Конституцияны құрметтеп, оның талаптарын орындауды өзінің азаматтық парызы деп білуі тиіс деп есептеймін. Бірлігіміз бекем болса, мемлекетіміздің болашағы да баянды болады.

Алатау қаласының «Ақсақалдар кеңесі» ҚБ-нің төрағасы 
Юсупов Асқар Махмудович