ІЛЕ АУДАНЫНДА ЖЫЛЫТУ МАУСЫМЫ 12 ҚАЗАНДА БАСТАЛАДЫ

Іле ауданы әкімдігінің 2026 жылғы 8 қазандағы №324 қаулысына сәйкес, ауданда 2026–2027 жылдардағы жылыту маусымы 12 қазаннан басталады.

Жылу бірінші кезекте білім беру, денсаулық сақтау мекемелері және басқа да әлеуметтік нысандарға беріледі. Одан кейін көппәтерлі тұрғын үйлер мен өзге де нысандар кезең-кезеңімен жылу жүйесіне қосылады.

Жылумен жабдықтаушы және қызмет көрсетуші ұйымдарға қазандықтарды уақытылы іске қосып, жылу жүйелерінің тұрақты жұмысын қамтамасыз ету тапсырылды.

Құрметті аудан тұрғындары! Жылыту маусымының тұрақты әрі қауіпсіз өтуі үшін тиісті жұмыстар бақылауда.