Қызыләскер ауылында жаңа Конституция жобасы талқыланды

Жамбыл ауданындағы Қызыләскер тұрғындарымен өткен кездесуде жаңа Конституция жобасының әлеуметтік және құқықтық негіздері түсіндірілді.

Коалиция мүшелері жаңа редакцияда Қазақстанның әлеуметтік мемлекет екені нақты әрі айқын бекітілетінін және азаматтардың заңда белгіленген тәртіппен ақы алынбай медициналық көмек алуға құқығы сақталатынын атап өтті.

Коалиция мүшесі Орымбасар Тортаев әлеуметтік нормаларға тоқталды.

«Әлеуметтік мемлекет қағидаты – жай декларация емес. Бұл мемлекет азамат алдындағы міндеттемесін конституциялық деңгейде бекітеді деген сөз. Медициналық көмекке қол жеткізу, әлеуметтік кепілдіктердің сақталуы – ауыл тұрғыны үшін де, қала тұрғыны үшін де бірдей құқық. Жаңа Конституция осы теңдікті нақты құқықтық нормамен бекітеді», – деді ол.

Кездесу барысында тұрғындар сұрақ қойып, пікір алмасты.