Рысқұлов орта мектебінің ұжымында Конституциялық реформа талқыланды
Жанашар ауылындағы Т.Рысқұлов атындағы орта мектептің педагогикалық ұжымымен өткен кездесуде жаңа Конституция жобасының дайындалу процесі туралы ақпарат берілді.
Коалиция мүшелері жоба кезең-кезеңімен әзірленгенін, 130 сарапшыдан тұратын Конституциялық комиссия жұмыс істегенін және 10 мыңнан астам ұсыныс түскенін атап өтті.
«Жаңа Конституция – кең қоғамдық талқылаудың нәтижесі. Ұсыныстар порталдар арқылы қабылданып, комиссия отырыстарында қаралды. Бұл құжаттың әр нормасы кәсіби сараптамадан өтті. Сондықтан 15 наурыздағы референдум – қоғамның өз еркін заңды түрде бекіту мүмкіндігі», – деді коалиция мүшесі Қонысбаева Мира
Ұжым өкілдері алдағы дауыс беруге белсенді қатысуға шақырылды.
