Қонаевта 75 бағана мен 200-ден астам көше жарығы орнатылды

Қонаев қаласында көше жарығын жаңғырту жұмыстары кезең-кезеңімен жалғасуда.

Мамыр айынан бастап Сейфуллин шағын ауданының 3, 20, 11, 15, 3, 2 және 5 тұрғын үйлерінің аумағында, сондай-ақ Ивушка және Лесозавод көшелерінде жаңа жарықтандыру шамдары орнатылды.

Атқарылған жұмыстар аясында 75 бағана орнатылып, 200-ден астам көше жарығы іске қосылды. Нәтижесінде аталған аумақтардың жарықтандырылу деңгейі едәуір жақсарып, тұрғындар мен жаяу жүргіншілердің қауіпсіз қозғалысына қолайлы жағдай жасалды.

Алдағы уақытта көше жарығын жаңғырту жұмыстары Спутник шағын ауданында жалғасады.

Қонаев қаласы әкімінің баспасөз қызметі