Боралдайда өндіріс күшейіп келеді: Іле ауданының әкімі ірі жобаларды аралады

Іле ауданында инвестициялық серпін жалғасуда. Бүгін аудан әкімі Қайыржан Жақсымбетов Боралдай кентіндегі өндірістік аймаққа барып, логистика, өндіріс және сусын шығару салаларындағы ірі жобалардың жүзеге асу барысын көріп, кәсіпорын басшыларымен кездесті.

Қазір Боралдай тек кент емес — өндіріс пен логистиканың жаңа орталығына айналып келеді. Мұнда халықаралық деңгейдегі қоймалар салынып, жаңа зауыттар ашылып, жүздеген жұмыс орны құрылуда.

Сапар барысында аудан әкімі «Balsu Logistics» логистикалық кешенін аралады. 
Жалпы аумағы 22 мың шаршы метр болатын кешен жылына 90 мың TEU контейнерлік жүкті өңдеуге мүмкіндік береді. Жобаға 5 млрд теңге инвестиция тартылған.

Сондай-ақ, Қайыржан Жақсымбетов Орталық Азиядағы екі компонентті герметик өндіретін жалғыз кәсіпорын — «Stark Alpha» зауытына барды. Қазіргі таңда өндіріс орнында 33 адам жұмыс істейді.

Аудан әкімі сондай-ақ «CARLSBERG KAZAKHSTAN» зауытының құрылыс барысын көрді. Құны 201 млрд теңгені құрайтын жоба 2027 жылға дейін жүзеге асады. Болашақта мұнда 150 адам еңбек етеді.

Іле ауданында өндіріс көлемі артып, жаңа кәсіпорындар саны көбейіп келеді. Ал Боралдай бүгінде аудан экономикасының драйверіне айналып отыр.