ӘДІЛЕТТІ ҚОҒАМ – ҚАРИЯҒА ҚҰРМЕТТЕН, ЖАСҚА СЕНІМНЕН БАСТАЛАДЫ
1 қазан – Халықаралық қарттар күніне орай Іле ауданында тұратын қарттарға қолдау көрсету мақсатында ігі іс шара ұйымдастырылды.
Игі бастамаға «ӘДІЛЕТ» партиясы Іле аудандық филиалы және аудандық саяси кеңес мүшесі Рауан Рахатұлы аудан аумағындағы тұратын қариялардың үйлеріне арнайы барып, азық-түлік себеттері мен қажетті тұрмыстық заттарды табыстады. Сонымен қатар, үлкендердің жағдайын сұрап, көңіл бөліп, жылы әңгімелесті.
Жүздесуде қарияларға ізгі тілектер айтылып, ақсақалдар мен ақ жаулықты әжелер өз ризашылықтарын білдіріп, ақ баталарын берді.
Қарттарымыз – елдің өткені мен бүгінін жалғаған, өмірлік тәжірибесі мен өнегесі мол асыл жандар. Оларға құрмет көрсету – кейінгі ұрпақтың парызы.
Қариясын қадірлеген елдің мерейі үстем.
Осындай игі бастамалар арқылы үлкенге құрмет, кішіге ізет қағидатын дәріптеп, қоғамдағы мейірімділік пен жанашырлықты нығайта береміз!
