23 ТАМЫЗ – ҚҰРЫЛТАЙ: БІЛІМ – ЕЛ БОЛАШАҒЫНЫҢ ТІРЕГІ

23 тамызда өтетін Ұлттық Құрылтай – елдің бүгінін саралап, болашағын бағамдайтын маңызды қоғамдық алаң. Мұнда көтерілетін әрбір мәселе қоғамның дамуына, елдің ертеңіне әсер ететіні сөзсіз.

Білім саласы – осы болашақтың берік негізі. Себебі бүгін мектепте білім алып отырған оқушы – ертең елдің дамуына үлес қосатын азамат. Сондықтан сапалы білім беру, ұстаз мәртебесін арттыру, балаларға тең мүмкіндік жасау және білім беру жүйесін заман талабына сай дамыту – әрдайым маңызды міндет.

Ұлттық Құрылтайда білім саласына қатысты айтылатын ұсыныстар мен бастамалар елдегі білім беру сапасын арттыруға серпін береді деп сенеміз.

Өйткені білімге салынған инвестиция – елдің болашағына салынған инвестиция. Ал білімді, тәрбиелі ұрпақ – қуатты мемлекеттің басты тірегі.

Құмаров Қуат Асқарұлы
Іле ауданы, Көкқайнар ауылы,
№44 орта мектептің қазақ тілі мен әдебиеті пәнінің мұғалімі