Қонаев қаласының тұрғыны трактормен сайлау учаскесіне келді

Алматы облысының орталығы Қонаев қаласының тазалығын қамтитын "Көркейту" компаниясының трактор жүргізушісі Нұркен Құсайынов жұмыс уақыты аяқтала салысымен 944-ші сайлау учаскесіне келді. Ондағы мақсаты ел мүддесін мерейлі ететін саяси шарадан қалыс қалмай өз таңдауын жасап, қалауындағы кандидатына дауыс беру.

Көптеген жылдар "Көркейтумен" бірге қызметі қарқын алып келе жатқан Нұркен Тезекбайұлы барлық сайлаудан үнемі көрініп келеді. Үш балалы адал жар, асқар тау әке халық қамын ойлайтын азамат депутат атанса, жұртшылықтың жүрегі жақсылықтан шаттанса деген қалауын тілге тиек ете өтті. Табан ақы, маңдай терінен адалдық аңқитын азамат ел еңсесі биік болса екен деп тілейді.