AMANAT: Алматы облысында 9 аудан әкімі азаматтарды қабылдайды
Бұл туралы «AMANAT» партиясы Алматы облыстық филиалының баспасөз қызметі мәлімдеді.
«15 ақпан күні аудан әкімдері аудандық AMANAT партия филиалдарында азаматтарды жеке мәселелері бойынша қоғамдық қабылдау өткізеді. Ондағы басты мақсат – халықпен тығыз байланыс орнату, тұрғындарды толғандырған мәселелермен танысу, олардың оң шешілуіне ықпал жасау. Қабылдау уақыты кестеде көрсетілген», – делінген хабарламада.
Айта кету керек, өткен жылы партияның қоғамдық қабылдау бөлмесіне тұрғындардан 3 546 өтініш түскен. Қазіргі уақытта бұл мәселелердің 65%-ы оң шешімін тапты.
