«Цифрландыру және жасанды интеллект» атты өңірлік жастар форумы
21 мамырда Алматы қаласында «Ауыл» партиясының ұйымдастыруымен «Цифрландыру және жасанды интеллект» атты өңірлік жастар форумы өтті.
Форумды ашқан «Ауыл» партиясы Төрағасының орынбасары Ғалымжан Құсманғали жастарға қолдау білдіріп, олардың бастамаларына сәттілік тіледі. Ол өз сөзінде жастарды белсенді болуға шақырып, мотивациялық ойларымен бөлісті. Сондай-ақ жастарды білім мен ізденісті қатар алып жүруге шақырып, болашақ мүмкіндіктерді дұрыс пайдаланудың маңызын атап өтті.
Сонымен қатар іс-шара барысында «Kompetenz» инвестициялық қорының құрылтайшысы, «TechnoWoman» коммерциялық емес ұйымының инвестициялық комитетінің төрайымы Жанар Қалиева құттықтау сөз сөйлеп, жастарға жылы лебізін білдірді. Ол цифрландыру дәуіріндегі жастардың рөліне тоқталып, жасанды интеллект пен заманауи технологияларды тиімді пайдалану мәселесіне қатысты пікірін ортаға салды.
Форум аясында қатысушылар цифрлық технологиялардың дамуы, жасанды интеллекттің мүмкіндіктері мен заманауи мамандықтар туралы ақпарат алды. Спикерлер өз тәжірибелерімен бөлісіп, ауыл жастары үшін жаңа даму бағыттарын таныстырды.
Аталған форум жаңа идеялармен алмасуға, тәжірибе бөлісуге және жастардың болашаққа сенімді қадам жасауына мүмкіндік берді.
«Ауыл» партиясы Алматы қаласы филиалының баспасөз қызметті.
