Алатау қаласының кітапханасында 1 наурыз – Алғыс айту күніне арналған мерекелік іс-шара өтті
Алатау қаласының кітапханасында 1 наурыз – Алғыс айту күніне орай салтанатты іс-шара ұйымдастырылды. Шараға қала әкімінің орынбасары Несіпбаева Гүлбану Сейткенқызы, қала ардагерлері мен Аналар кеңесінің өкілдері қатысты.
Іс-шара қала әкімінің құттықтау сөзімен басталып, ақсақалдың ақ батасымен жалғасты. Сонымен қатар, ардагерлер кеңесі де жылы лебіздерін білдіріп, мерекенің мәні мен маңызы жайлы ойларын ортаға салды.
Кеш барысында қала өнерпаздары өз өнерлерін көрсетіп, көрермендерге тамаша көңіл-күй сыйлады. Іс-шара соңында келген қонақтарға ақ дастархан жайылып, ізгі ниетпен ақ тілектер айтылды.
Бұл мереке – халқымыздың бірлігін, ынтымағын және сыйластығын дәріптейтін ерекше күн. Осындай игі шаралар қаламызда алдағы уақытта да жалғасын таба бермек.
Алатау қаласы әкімінің баспасөз хатшысы Кеңесбаева Гүлназ Ізбасарқызы.
