Құрылтай сайлауы – ел бірлігі мен жарқын болашақтың кепілі

Құрылтай сайлауы – еліміздің қоғамдық-саяси өміріндегі аса маңызды оқиғалардың бірі. Бұл – мемлекетіміздің тұрақты дамуына, қоғамдық келісім мен ұлттық бірлікті нығайтуға бағытталған қадам. Әрбір азаматтың сайлауға қатысып, өз таңдауын жасауы – ел тағдырына бейжай қарамайтын жауапты азаматтық ұстанымның көрінісі. 
Құрылтай сайлауы – әрқайсымыздың ел болашағына деген көзқарасымызды білдіретін  мүмкіндік. Әрбір дауыс – әділетті, берекелі әрі өркендеген Қазақстанды қалыптастыру жолындағы нақты үлес.
Білім беру саласының қызметкерлері ретінде біз жас ұрпаққа отансүйгіштік, әділдік, заңға құрмет және азаматтық жауапкершілік сияқты асыл құндылықтарды насихаттаймыз. Өз іс-әрекетімізбен өскелең ұрпаққа үлгі болу – біздің басты міндетіміз.
Баршаңызды Құрылтай сайлауына белсенді қатысып, азаматтық ұстанымдарыңызды танытуға шақырамын. Ел тағдырына қатысты маңызды шешімдер қабылданатын мұндай сәтте әр азаматтың дауысы қашанда маңызды.
Елімізде әрдайым татулық пен тұрақтылық, бірлік пен келісім салтанат құрсын! Тәуелсіз Қазақстанымыздың болашағы баянды, халқымыздың ынтымағы берік болсын!

Абженбаева Айгуль, 

Талғар ауданы Ы.Алтынсарин атындағы №49 жалпы білім беретін орта мектеп директоры.