«Мерейлі отбасы» жеңімпаздары өз таңдауын жасады

23 тамыз күні Ақсеңгір ауылдық округінің Ақсеңгір ауылындағы №292 сайлау учаскесінде 2023 жылғы ұлттық «Мерейлі отбасы» байқауының жүлдегері Дулдай Сархадтың отбасы дауыс беруге қатысты.
20 адамнан тұратын әулет өкілдерінің сайлау учаскесіне ұлттық киіммен келуі ерекше көрініс болды. Бұл отбасының қазақ халқының салт-дәстүрі мен ұлттық мәдениетіне деген құрметін айқын көрсетті.
Дулдай Сархад отбасы – берік отбасылық құндылықтарды, өзара сыйластықты, татулық пен ұрпақтар сабақтастығын дәріптеп келе жатқан өнегелі әулет. Олардың сайлауға бір отбасы болып қатысуы азаматтық белсенділік пен қоғамдық жауапкершіліктің көрінісіне айналды.
Ұлттық киімдегі отбасы мүшелерінің дауыс беруге қатысуы ұлттық құндылықтарды дәріптеу мен азаматтық ұстанымның өзара сабақтастығын көрсетті.
Берекелі отбасы – қоғамның берік негізі. Ал саналы таңдау – ел болашағына деген жауапкершіліктің көрінісі.