БЕС КӨЛІК, БІР БАҒЫТ: «СОКОЛ» СТК ӨКІЛДЕРІ ҚҰРЫЛТАЙ САЙЛАУЫНА ЕРЕКШЕ КЕЛДІ
23 тамыз күні Іле ауданының Ақcай ауылындағы №390 сайлау учаскесінің алдына бірінен соң бірі бес автокөлік келіп тоқтады. Олардың арасында бірден көзге түсетін екі Nissan GT-R мен BMW X5 бар. Ерекше автокөліктердің сайлау учаскесіне қатар келуі көпшіліктің назарын аударды.
Бұл — «Сокол» спорттық-техникалық клубының өкілдері. Олар Құрылтай депутаттарын сайлау күні бес автокөлікпен бірге келіп, дауыс беруге қатысты.
Қуатты қозғалтқышы мен ерекше дизайны арқылы автоспорт әуесқойларына жақсы таныс Nissan GT-R көліктерін әдетте автошаралар мен жарыс жолдарынан көруге болады. Бұл жолы темір тұлпарлар №390 сайлау учаскесінің алдында бой көрсетті.
Клуб өкілдері көліктерін тұраққа қалдырып, сайлау учаскесіне кіріп, белгіленген тәртіппен дауыс берді.
Осылайша, Ақcай ауылындағы №390 сайлау учаскесіне бес автокөліктің қатар келуі Құрылтай сайлауы күнінің ерекше кадрларының біріне айналды.
