Ұлттық ойындар – ұлттық қазына
№967 сайлау учаскесінде сайлау күніне орай «Ұлттық ойындар – ұлттық қазына» атты ұлттық ойындар ұйымдастырылды. Шара барысында тұрғындар ләңгі тебу және асық ату ойындарына белсене қатысып, ептіліктері мен мергендіктерін сынады.
Ұлттық ойындар – халқымыздың салт-дәстүрі мен мәдениетін ұрпақтан-ұрпаққа жеткізудің маңызды құралы. Осыны негізге алған шараның басты мақсаты – ұлттық құндылықтарды дәріптеу, дәстүрлі ойындарды жас ұрпаққа кеңінен насихаттау және тұрғындар арасында достық пен бірлікті нығайту.
Қатысушылар ұлттық ойындарға қызығушылық танытып, өзара жарыс арқылы көтеріңкі көңіл күйге бөленді. Әсіресе асық ату мен ләңгі тебу ойындары көпшіліктің көңілінен шығып, ұлттық ойындардың әлі де өз маңызын жоғалтпағанын көрсетті.
Осындай тағылымды шаралар ұлттық мұрамызды ұлықтап қана қоймай, тұрғындардың белсенділігін арттырып, салауатты өмір салтын насихаттауға да ықпал етеді.
