ҚАРАСАЙДАҒЫ САЙЛАУ УЧАСКЕСІНДЕ ТӘУЕЛСІЗ БАЙҚАУШЫЛАР ДАУЫС БЕРУ БАРЫСЫН БАҚЫЛАУДА

Қарасай ауданының Жібек жолы ауылындағы №477 сайлау учаскесінде тәуелсіз байқаушылар дауыс беру барысын бақылап жатыр.
23 тамызда Құрылтай сайлауы өтіп жатқан күні байқаушылар учаскедегі дауыс беру рәсімдерінің белгіленген тәртіпке сәйкес жүргізілуін бақылауда.
Тәуелсіз байқаушы Досмурзаева Акерке таңғы сағат 07:00-ден бергі жұмыс барысына қатысты пікір білдірді.
«Біздің басты мақсатымыз – әрбір азаматтың өз таңдауын еркін әрі ашық түрде жасауына бақылау жүргізу. №477 сайлау учаскесінде комиссия мүшелері мен байқаушылар арасында өзара түсіністік пен кәсібилік қалыптасқан. Сағат 07:00-ден бері ешқандай заңсыз әрекет немесе түсініспеушілік тіркелген жоқ. Тұрғындардың белсенділігі жоғары, көңіл-күйлері көтеріңкі», – деді ол.
Учаске ашылғаннан кейін дауыс беру жәшіктерін мөрлеу, сайлаушыларды тіркеу және бюллетеньдерді беру сияқты рәсімдер жүргізілген.
Байқаушылар дауыс беру барысын бақылауды жалғастырып жатыр.