«Ауылдың өнерлі әжелері» азаматтық белсенділік танытты
Алматы облысы Жамбыл ауданы Қарғалы ауылындағы № 283 сайлау учаскесінде «Ауылдың өнерлі әжелері» ансамблінің мүшелері дауыс беріп, өздерінің белсенді азаматтық ұстанымдарын көрсетті.
Ұлттық киім киген әжелер сайлау учаскесіне ерекше сән-салтанатпен келіп, қазақ халқының салт-дәстүріне, ұлттық мәдениеті мен рухани құндылықтарына деген құрметін паш етті. Олардың келбеті мен белсенділігі сайлау күнінің көркін арттыра түсті.
Аға буын өкілдерінің дауыс беруге қатысуы – азаматтық жауапкершіліктің, ел болашағына бейжай қарамаудың және ұрпақтар сабақтастығының жарқын көрінісі. Әжелердің өнегелі ісі жас ұрпаққа да үлгі болып, қоғамдық өмірге белсенді қатысудың маңыздылығын көрсетті.
Іс-шара жылы әрі көтеріңкі көңіл күйде өтіп, сайлау күніндегі ерекше әрі есте қаларлық сәттердің біріне айналды.
