Іске адалдық үшін марапат: Нұржан Құдайбергенов «Мемлекеттік қызмет ардагері» төсбелгісімен марапатталды

Алматы облысының орталығы Қонаев қаласында 25 қазан — Республика күніне орай мемлекеттік қызметшілерді марапаттау салтанатты рәсімі өтті.
Осы шара аясында ұзақ жылдар бойы мемлекеттік қызметке адал еңбегін сіңірген Нұржан Құдайбергенов Қазақстан Республикасының Мемлекеттік қызмет істері агенттігінің «Мемлекеттік қызмет ардагері» төсбелгісімен марапатталды.
«Мемлекеттік қызмет ардагері» төсбелгісі мемлекеттік қызметте кемінде 25 жыл мінсіз еңбек еткен немесе зейнет жасына жеткен мемлекеттік қызметшілерге табысталады.
Нұржан Құдайбергеновтің кәсібилігі, жоғары жауапкершілігі және адал еңбегі Алматы облысының дамуына, өңірдің экономикалық әлеуетін арттыруға айтарлықтай үлес қосты.
Қызмет жылдарында ол әріптестері мен қоғамның құрметіне ие болды. Бұған дейін ол келесі марапаттармен атап өтілген:
• «Қазақстан Республикасының Конституциясына 20 жыл», «Қазақстан Республикасының Тәуелсіздігіне 20 жыл», «Қазақстан Республикасының Тәуелсіздігіне 25 жыл» мерекелік медальдерімен,
• сондай-ақ мемлекеттік «Ерен еңбегі үшін» медалімен марапатталған.
«Мемлекеттік қызмет ардагері» төсбелгісі — Нұржан Құдайбергеновтің көпжылдық адал еңбегі мен мемлекет ісіне қосқан зор үлесінің мойындалуы болып табылады.