Жер учаскелерін сатып алу-сату бойынша сот процесі жүруде
Бүгін Қонаев қаласының әкімі Асхат Бердіханов жер учаскелерін сатып алу-сату шартын жарамсыз деп тану жайында шағымданған тұрғындарды қабылдады.
Айтуларынша, олар осыдан бірнеше жыл бұрын жер учаскелерін жеке тұлғадан сатып алған. Бірақ, 2024 жылы жер қатынастары бөлімі сатып алу-сату шартын жарамсыз деп тану үшін сотқа талап арыз жазған. Бұған себеп ҚР ҰҚК Алматы облысы бойынша департаментінің хаты болған. Ол хатта жер учаскелерінің берілу заңдылығын тексеру қажеттілігі жайында жазылған. Нәтижесінде облыстық жер ресурстарын басқару департаменті тексеру тағайындап, қалалық жер қатынастары бөлімі сотқа талап арыз жолдаған. Кейіннен 23 жер учаскесінің иелеріне қатысты талап-арызға өзгеріс енгізілген.
Алдағы уақытта сот шешіміне сәйкес, шаралар қабылданады. Қонаев қаласының әкімі тұрғындарға түсіндірме жұмыстарын жүргізді.
Қонаев қаласы әкімінің баспасөз қызметі.
