Құрметті Қонаев қаласының тұрғындары
Бүгінде отбасындағы зорлық-зомбылықтың кез келген түріне заңмен тыйым салынған.
Өйткені отбасы – қоғамның негізі. Берік әрі тату отбасы – еліміздің тірегі.
Осыған байланысты ІІМ Әкімшілік полиция комитетінің Threads платформасындағы ресми парақшасында ағымдағы жылдың 11–13 тамыз аралығында үш күндік онлайн-акция өтеді.
Бұл – ашық пікір алмасу алаңы.
Егер сіз отбасыңыздағы зорлық-зомбылыққа тап болсаңыз немесе сондай жағдайдың куәсі болсаңыз, өз сұрағыңызды қойып, ұсыныс-пікіріңізді жаза аласыз.
Барлық өтініштер міндетті түрде қаралады.
Отбасылық зорлық-зомбылыққа қарсы күрес бөлімшелерінің қызметкерлері сізге қажетті кеңес береді.
Қажет болған жағдайда көрсетілген мекенжайға барып, көмек көрсетеді.
Бұл алаң барлық азаматтарға ашық.
Егер Threads платформасына кіре алмасаңыз, экранда оны пайдалану тәртібі кезең-кезеңімен көрсетілген.
