Адам капиталы – Жаңа Конституцияның өзегі

Жаңа Конституция жобасының басты ерекшелігі – мемлекет дамуының негізгі тірегі ретінде адам капиталын айқындауы. Білім беру, ғылым, мәдениет пен инновация Конституцияның орталық идеясына айналып отыр.

Бұл – табиғи ресурстарға ғана емес, азаматтардың біліміне, шығармашылығына және әлеуетіне сүйенетін жаңа даму философиясы. Мемлекет әрбір азаматтың өзін қауіпсіз, қорғалған әрі қажет сезінуіне жағдай жасауды басты міндет етіп қояды.

Сонымен қатар, цифрландыру мәселесіне де ерекше көңіл бөлінген. Алғаш рет азаматтардың цифрлық ортадағы құқықтарын қорғау Конституциялық норма ретінде бекітіліп отыр. Бұл – заманауи сын-қатерлерге жауап беретін маңызды шешім.

Жаңа Конституция – бүгінгі және келер ұрпақтың мүддесін тоғыстырған, болашаққа бағытталған құжат.

Қоғамдық пікір көшбасшысы
Ниязалиев Айдар