Тұрғындардың өзекті мәселелері қоғамдық қабылдауда қаралды
Бүгін аудан әкімі Нұрлан Ертасұлы жұмыс кестесіне сәйкес «AMANAT» партиясының Жамбыл аудандық филиалы жанындағы қоғамдық қабылдау бөлмесінде азаматтарды қабылдады.
Қабылдауға Ұзынағаш және Дегерес ауылдық округтерінен келген ауыл тұрғындары қатысты. Кездесу барысында жер мәселесі, ауылішілік көшелердің жай-күйі және өзге де әлеуметтік маңызы бар сұрақтар көтерілді.
Әрбір өтініш жеке қаралып, қолданыстағы заңнама аясында шешу жолдары түсіндірілді. Сонымен қатар, тиісті сала басшыларына нақты тапсырмалар беріліп, жауапты мекемелерге тұрғындармен тұрақты байланыс орнату жөнінде нұсқаулар жүктелді.
