БІЛІМ – ЕЛ БОЛАШАҒЫНЫҢ БЕРІК НЕГІЗІ

23 тамызда өтетін Ұлттық Құрылтай – еліміздің болашағына қатысты маңызды мәселелер талқыланатын үлкен алаң. Әсіресе білім саласына қатысты әрбір бастама мен шешімнің маңызы зор деп ойлаймын.

Білім – мемлекеттің тұрақты дамуының басты тірегі. Бүгін мектеп қабырғасында білім алып жатқан оқушы – ертең елдің тізгінін ұстайтын азамат. Сондықтан оның сапалы білім алуына, жан-жақты дамуына жағдай жасау – баршамызға ортақ міндет.

Құрылтайда білім сапасын арттыру, ұстаз мәртебесін нығайту, мектептердің мүмкіндігін кеңейту және жас ұрпаққа сапалы білім беруге жағдай жасау мәселелері назарда болса, бұл ел болашағы үшін маңызды қадам болар еді.

Ұстаз еңбегі бағаланған, оқушыға мүмкіндік берілген, білімге басымдық жасалған мемлекет қана мықты болмақ.

Сондықтан 23 тамыздағы Ұлттық Құрылтайдан білім саласының дамуына серпін беретін нақты бастамалар мен оң өзгерістер күтеміз. Өйткені білімге жасалған әрбір инвестиция – Қазақстанның жарқын болашағына жасалған инвестиция.

Аханова Алмагүл Ниязханқызы
Іле ауданы, Боралдай кенті,
№54 орта мектебінің қазақ тілі мен әдебиеті пәнінің мұғалімі