Алматы облысында алғаш рет аудан әкімін халық сайлауда
Пилоттық жоба негізінде жүргізілген бұл саяси науқан өңірдегі екі аймақта жүзеге асуда. Оның бірі Балқаш жері болса екінші Жамбыл ауданы.
Жамбыл ауданының басшысы болуға әуелде 8 кандидат ұсынылған. Олардың тек үшеуі ғана іріктеуден өткен. Екі үміткер өзін-өзі ұсынса, біреуі «Аманат» партиясының атынан сайлауға түсуде.
Қазіргі таңда аудан бойынша 77 сайлау учаскесі жұмысын бастаған. Бүгін аймақтағы дауыс беруге жататын 105 895 адам аймақ басшысын басқаруға лайықты деп таныған үміткеріне дауыс береді.
Айта кетейік, барлық сайлау учаскелері таңғы сағат 07:00-ден бастап жұмыстарына кірісті.
