БОС ЖҰМЫС ОРЫНДАР ЖӘРМЕҢКЕСІНДЕ 100-ДЕН АСТАМ ЖҰМЫС ОРНЫ ҰСЫНЫЛДЫ
Мемлекет басшысы Қасым-Жомарт Кемелұлы Тоқаев 2025 жылды «Жұмысшы мамандықтар жылы» деп жариялады. Түркістан облысында жұмысшы мамандықтар жылын өткізу жоспары бекітіліп, ауқымды жұмыстар атқарылуда.
Алатау қалалық «Мансап» орталығының ұйымдастыруымен Алатау қаласы, Қоянқұс ықшам ауданындағы №14 мектептің алаңында өңірдегі жұмыссыз азаматтар мен жастарға арналған бос жұмыс орындары жәрмеңкесі өтті.
Шараға Алатау қаласының Мансап орталығының басшысы Бауыржан Ерғалиұлы Семейғалиев арнайы қатысып, халықты тұрақты жұмыспен қамту бағытында атқарылып жатқан жұмыстарға тоқталды. Алатау қаласында бос жұмыс орындары жәрмеңкелері жиі ұйымдастырылатынын айтып, қатысушыларға тұрақты жұмысқа орналасуларына сәттілік тіледі.
Жәрмеңкеге Алатау қаласы, Жетіген, Еңбек, Жаңаарна, Құйған, Жаңадәуір, Жаңаталап, Ынтымақ, Қоянкұс ауданынан 30 жұмыс беруші қатысып, 100-ден астам бос жұмыс орнын ұсынды. Нәтижесінде, 150-ге жуық тұрғын жұмыс берушілермен тікелей сұхбаттасып, мамандықтарына сәйкес жұмысқа орналасуға мүмкіндік алды. Арнайы мамандар Алатау қаласы, Қоянқұс және Жетіген ауылдарынан келген тұрғындарды қабылдап, кеңес берді.
