Құрылтай сайлауы - ел болашағына ортақ жауапкершілік
2026 жылғы 23 тамызда Қазақстанда Құрылтай депутаттарының сайлауы өтеді. Бұл елдің қоғамдық өміріндегі маңызды саяси үдерістердің бірі. Сайлау арқылы азаматтар өз ұстанымын білдіріп, елдің дамуына үлес қосатын өкілдерді таңдауға мүмкіндік алады.
Қоғамның тұрақты дамуы халықтың белсенді азаматтық ұстанымына тікелей байланысты. Әрбір сайлаушының таңдауы елдегі қоғамдық бастамалардың қалыптасуына, азаматтардың мүддесін білдіретін мәселелердің көтерілуіне ықпал етеді. Сондықтан сайлауға қатысу азаматтың өз құқығын жүзеге асыруымен қатар, мемлекет болашағына деген жауапкершілігін де көрсетеді.
Құрылтай жұмысының маңызды бағыттарының бірі қоғам үшін өзекті мәселелерді талқылап, ел дамуына қатысты ұсыныстарды қалыптастыру. Әсіресе балалардың құқықтарын қорғау, білім беру, әлеуметтік қолдау, заң мен тәртіп, отбасы құндылықтары және өңірлердің дамуы секілді бағыттардың маңызы зор.
Бүгінгі таңда елдің болашағы туралы айтқанда, азаматтардың пікірін ескеру және қоғамның әр мүшесінің белсенділігін арттыру ерекше мәнге ие. Себебі мемлекет дамуы тек қабылданатын шешімдерге емес, сол шешімдерге азаматтардың қатысуына да байланысты.
23 тамыздағы сайлау әр азаматқа өз таңдауын жасап, қоғамдық өмірге араласуға мүмкіндік береді. Сондықтан ел болашағына бейжай қарамай, өз азаматтық құқығын пайдалану - жауапты қоғам қалыптастырудың маңызды қадамы.
Белсенді азаматтық ұстаным, өзара құрмет және ортақ мақсатқа деген жауапкершілік - елдің тұрақты дамуының берік негізі.
Даяна Рахатқызы
Алматы облысының Балалар құқықтарын қорғау басқармасының статист маманы
