«Заң мен тәртіп» аясында спорттық бәсекелестік

Іле ауданында бұқаралық спортты дамыту және жастар арасында салауатты өмір салтын қалыптастыру мақсатында футболдан аудан чемпионаты жалғасуда. Жарыс «Заң мен тәртіп» қағидаты аясында ұйымдастырылып, спорт арқылы тәртіптілікке, жауапкершілікке және өзара сыйластыққа үндейді.

15 тамыз күні чемпионаттың 14-тур ойындары өтті. Ауданның әр елді мекенінде футбол жанкүйерлері бас қосып, командалар тартысты ойын көрсетті.

14-турдың қорытындысы бойынша «Қараой» командасы «Ақшиді» 2:1 есебімен жеңді. «Боралдай» мен «Өтеген батыр» арасындағы кездесуде қонақтар 7:1 есебімен басым түсті. «Ащыбұлақ» командасы «Ақсайдан» 1:2 есебімен жеңілді. Ал «Байкент» пен «Асқар Тоқпанов» командалары арасындағы тартысты ойында «Асқар Тоқпанов» командасы 2:1 есебімен жеңіске жетті.

14-турда «Байсерке» командасы демалды.

Футбол чемпионаты аудан тұрғындарын спортқа белсенді араласуға, бос уақытын тиімді өткізуге және жастар арасында салауатты өмір салтын насихаттауға мүмкіндік беріп отыр.

Спорт — денсаулық кепілі ғана емес, тәртіп пен жауапкершілікті қалыптастыратын маңызды құрал. Осы бағыттағы іс-шаралар «Заң мен тәртіп» қағидаттарын нығайтып, қоғамдағы бірлік пен өзара құрметті арттыруға ықпал етеді.

Іле ауданындағы футбол чемпионаты алдағы турларда да жалғасып, командалар жүлделі орындар үшін өзара бәсекені жалғастырады.